''Бишрэлт метал'' Малайзын аварга багийг 86-98 харьцаагаар хожиж, эхний ялалтаа байгууллаа

FIBA-аас зохион байгуулдаг сагсан бөмбөгийн Азийн аваргуудын лигийн зүүн бүсийн урьдчилсан шатны тэмцээн эхэлсэн билээ. Тэмцээний "А" хэсэгт багтсан, Монголын Үндэсний дээд лигийн 2023-2024 оны улирлын дэд байр "Bishrelt Metal" баг эхний тоглолтоо Малайзын аварга "NS Matrix Deers" багийн талбайд хийж 86-98 харьцаагаар хожжээ. 

"Бишрэлт Метал" багаас Амарбаясгалангийн Энхбаясгалан 21 оноо, 5 самбар, 2 бөмбөг таслалт, Девон Скотт 24 оноо, 10 самбар, 5 дамжуулалт, Байрон Уэсли 34 оноо, 9 самбар, 8 дамжуулалтаар тус тус багаа тэргүүлэв. Ийнхүү А хэсгийг Монголын Bishrelt Metal баг нэг хожилтой тэргүүлж байна. Тэдний хоёр дахь тоглолт дөрөвдүгээр сарын 5-д Индонезын "Pelita Jaya Basketball" багийн талбайд болох аж.