Хуульч Ж.Эрхэмбаатар: Иргэн А.Баяржавхланг “хамтран ажиллах этгээд”-р тогтоож хамгаалалтанд авах хэрэгтэй
"Торгоны зам" мөрийтэй тоглоомын клубын удирдлага гэж өөрийгөө танилцуулсан, иргэн А.Баяржавхлан цахим хуудсаараа дамжуулан мэдээлэл хийж, "Цагдаагийн байгууллагын албан хаагчид мөрийтэй тоглоом зохион байгуулагчидтай хамтран ажиллаж мөнгө авдаг хэмээн ноцтой мэдэгдсэн юм.
Энэ мэдээллийн дагуу ЦЕГ-аас мэдээлэл хийж "ЦЕГ-ын дэд дарга, хурандаа Н.Мөнхзул "Иргэн А.Баяржавхлан цагдаагийн албан хаагчидтай холбоотой ноцтой мэдээлэл хийсэн. Үүнтэй холбогдуулан ЦЕГ-ын Дотоод хяналт, аюулгүй байдлын газраас ажлын хэсэг гарган дотоод хяналт шалгалтыг эхлүүлсэн. Иргэн А.Баяржавхлан харилцаа холбооны ямар ч хэрэгслийг ашиглан цагдаагийн байгууллагад хандаж цагдаагийн албан хаагчидтай холбоотой мэдээлэл өгөх бүрэн боломжтой. Хууль бус гэмт хэрэг хийсэн албан хаагчидтай цагдаагийн байгууллага эвлэрэхгүй" хэмээсэн юм..
Харин Хуульч Ж.Эрхэмбаатар "Иргэн А.Баяржавхланг “хамтран ажиллах этгээд”-р тогтоож хамгаалалтанд авах хэрэгтэй. Тэгж гэмээн цагдаагийн “хулгайч” дарга нарын хэрэг илэрнэ. Мөрдөстэй хулгайч илүү аюултай!" гэлээ.
