Чуулганыг олон тасалсан Х.Баттулгад хариуцлага тооцно
УИХ-ын намрын чуулганы хугацаанд ажлаа хамгийн олон удаа таслан УИХ-ын гишүүн бол Х.Баттулга, С.Лүндэг нар гэдгийг мэдээлсээр ирсэн. Тэдэнд ямар хариуцлага тооцох талаар УИХ-ын Ёс зүй дэгийн байнгын хорооны дарга Б.Баярбаатар өнөөдөр сэтгүүлчдэд мэдээлэл өгөхдөө "УИХ-ын гишүүн А.Ариунзаяагаар ахлуулсан ажлын хэсэг байгуулсан. УИХ-ын гишүүн С.Лүндэгийн чуулганы хуралдаанаа тасалсан цаг нь хуульд заасан цагтаа арай хүрээгүй . Харин УИХ-ын гишүүн Х.Баттулгын хувьд хуульд заасан цагтаа хүрсэн учраас хариуцлага тооцно.Дүрэм журмаараа тухайн УИХ-ын гишүүнд сануулах, уучлалт гуйх, цалин хасах гэсэн саналаар байнгын хороо хуралдаж шийдвэрлэнэ" гэв.
