СЭРЭМЖЛҮҮЛЭГ: Суудлын хоёр автомашин шатжээ
Хэнтий аймгийн Хэрлэн сумын 2 дугаар багт суудлын автомашин шатаж байна гэсэн дуудлагыг өчигдөр /2025.01.30/ 08:00 цагт Онцгой байдлын газарт ирүүлсэн байна. Тус аймгийн Онцгой байдлын газрын 32 дугаар ангийн алба хаагчдыг очиход иргэн Н-ийн “Сивик” загварын суудлын автомашины хөдөлгүүр шатаж байсныг ажиллаж унтраажээ. Мөн Дундговь аймгийн Эрдэнэдалай сумын Өвөр-Угтаал багт суудлын автомашин шатаж байна гэсэн дуудлагыг өчигдөр 08:51 цагт ирүүлжээ. Тус аймгийн Онцгой байдлын газрын Эрдэнэдалай сум дахь салбарын алба хаагчдыг очиход иргэн З-гийн “Овтландер” загварын суудлын автомашины хөдөлгүүр шатаж байсныг ажиллаж унтраасан байна.
