МУГТ, Э.Цэндбаатарын мэргэжлийн боксын 12 дахь тулаанаа МОНГОЛД хийхээр боллоо
Монгол Улсын гавьяат тамирчин Э.Цэндбаатар хэд хоногийн өмнө Пуэрто Рикогийн боксчин Фрэнси Фортунатотой 10 үе тулалдаж WBA холбооны тивийн бүсний эзэн болсон билээ. Харин түүний дараагийн тулаан 12 дугаар сард болох болсон. Иймд Э.Цэндбаатар бэлтгэлдээ шамдан орсон байна. Энэ тухайгаа өөрийн цахим хаягаараа мэдээлсэн юм. Э.Цэндбаатар хэлэхдээ "Дараагийн тулаан 12 сард болох тов гарчээ. Ойр ойрхон тулаан хийх юм шиг байна. Дэлхийн топ руу дөхөж байгаа тул хичээж байгаад оргилд нь хүрнэ ээ" хэмээсэн юм. Тэгвэл өнөөдөр тэрбээр мэдэгдэл хийж 12 дахь тулаанаа Монгол эх орондоо хийхээр болсон тухайгаа хэллээ.
