4Merical vibes баг ДАШТ-ий "Grand final"-д тоглох эрхээ авч, IHC esports баг "Survival Stage" шатанд шалгарлаа

11-р сарын 20, 2023 - 10:39

1 жил өмнө

0 18

4Merical vibes баг ДАШТ-ий "Grand final"-д тоглох эрхээ авч, IHC esports баг "Survival Stage" шатанд шалгарлаа

PUBGM тоглоомын Дэлхийн Аварга Шалгаруулах Тэмцээн (ДАШТ)-ий лигийн шатны "Шар хэсэг"-ийн тоглолтууд өчигдөр Малайз улсад боллоо. Энэ тэмцээнд манай улсын "4Merical vibes" баг хоёрдугаар байр эзэлж дэлхийн аваргын "Grand final"-д тоглох эрх авлаа. Мөн 39,000 ам.долларын шагналыг хүртэв. Харин "IHC esports" баг аравдугаар байрт бичигдсэнээр "Survival Stage" шатанд шалгарч 13,000 ам.доллар хүртсэн.

1.4 сая ам.долларын шагналын сантай зохион байгуулагдах PUBGM тоглоомын энэ жилийн ДАШТ-ий "Grand final"-д манай улсаас "4Merical vibes", "Stalwart esports" гэсэн хоёр баг оролцохоор боллоо.

Улаан, ногоон, шар гэсэн гурван хэсгийн 4-11 дүгээр байрт шалгарсан 24 баг "Survival Stage"-д тоглож 16 нь "Last chance" шатыг зорьдог. "Last chance" шатнаас эхний таван баг нь "Grand final"-д тоглох эрхээ авна. Тэгвэл энэ сарын 22-24-нд зохион байгуулагдах "Survival Stage" шатанд манай улсаас "NB esports", "IHC esports" гэсэн хоёр баг өрсөлдөхөөр болж байна.

Хуучны "Zeus esports" буюу "IHC esports" нь өнгөрсөн жилийн дэлхийн аваргын "Grand final"-д тоглох эрхээ "Last chance" шатнаас авч байв. Харин "NB esports" баг энэ жил анх удаа ДАШТ-д лигийн шатанд тоглож байгаа.