Нийслэл хүрээ өргөн чөлөөний нэгдүгээр хэсгийн засварын ажил дуусаж, хөдөлгөөнийг нээлээ
Баянзүрх дүүргийн 26 дугаар хороо, Нийслэл хүрээ өргөн чөлөөний хэсэгчилсэн засвар, шинэчлэлтийн нэгдүгээр хэсгийн засварын ажил дуусаж тээврийн хэрэгслийн хөдөлгөөнийг нээлээ. Дүнжингарав худалдааны төвийн уулзвараас И-Март худалдааны төвийн уулзвар хүртэлх хойд хэсгийн авто замыг зургаадугаар сарын 1-ний 23.00 цагаас хааж, өнөө өглөө 06.00 цагаас нээлээ.
Хоёрдугаар хэсгийн засварын ажлыг өнөөдөр /2024.06.03/ 22.00 цагаас эхлүүлэх юм. И-Март худалдааны төвийн уулзвараас Дүнжингарав худалдааны төвийн уулзвар хүртэлх урд хэсгийн авто замыг зургаадугаар сарын 6-ны өдрийн 06.00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэнэ. Тиймээс иргэд, жолооч нарыг бусад замыг сонгон хөдөлгөөнд оролцохыг уриаллаа.
